منتدى رياض العام منتدى علمي ثقافي عام منوع |
| | خجل حتى الوطن من شافنا بهل الحال منقولة | |
|
+9salah_sydney salah almaroob younes alabodey zojat salah hazeem allamey m.mohamed سعيد العراقي zaynab saleh المشرف العام 13 مشترك | كاتب الموضوع | رسالة |
---|
المشرف العام مديـــــر المنتــــــــــــدى
عدد الرسائل : 821 العمر : 56 رقم العضوية : 1 الموقع : اين ما تكون الحقيقة تاريخ التسجيل : 29/12/2008
| موضوع: خجل حتى الوطن من شافنا بهل الحال منقولة الأربعاء 08 يوليو 2009, 10:17 am | |
| السلام عليكم ورحمه الله وبركاتهـ
؛ ؛ ؛
خجل حتى الوطن من شافنه بها لحال مثل والد عليل تعاركو ولده ياجار اليحشمه ويدري بالجيران متحزمه عليه وتشتغل ضده اذا مايهده تهده وتفرح وترتاح وماتهده دقيقه من الوضع يهده باوع عالدول والناس وصلت وين وحنه بهلخلاف إنجيبه ونرده مسرحنه نعرف وشتهروا لابطال مخطوف وشهيد ولازمه العده ومجهول الهويه وجسد مابيه راس ومفجوعه بولدهه وتصرخ إبسده مسكين اليتيم يمر عليه العيد ودموعه فواتح ناصبه بخده گلي بيا ذنب كتلو ابوه وليش كوم عيال عده وكلشي ماعنده اوگلي بيا بخت جابوه بغير زنود للجابت عمرهه مچلبه بزنده جرحك مثل جرحي وبلوتك بلواي وصوابك صوابي شلون ماشده ناوشني المحبه وبوسة التجبير خل نگطع نزيفه إبّلسم الوحده اشگد مشتاگ امر للاعظميه اليوم والنعمان ازوره ويمك اتغده ونعبر عالجسر نتمشه ايد بأيد يم باب الحوائج غيضنه نهده لاخير بوطن ماتغفه عينك بيه و لاخير بشعب مايعبر الشده
| |
| | | zaynab saleh عضو مميز
عدد الرسائل : 234 العمر : 39 الموقع : QUEENSLAND تاريخ التسجيل : 15/05/2009
| موضوع: رد: خجل حتى الوطن من شافنا بهل الحال منقولة الأربعاء 08 يوليو 2009, 10:45 am | |
| ما اقول غير الله يسامحك يعني خليتني انقهر و طكت دمعتي بعيني والله مشتاق للعراق والى اصدقائي حسبي الله ونعم الوكيل شكرا جزيلا وننتظر جديدك , | |
| | | سعيد العراقي نائب المدير
عدد الرسائل : 740 العمر : 48 الموقع : بلد الطيبين والاوÙياء (الـــــعراق)Ù… تاريخ التسجيل : 24/03/2009
| موضوع: السلام عليكم الأربعاء 08 يوليو 2009, 4:18 pm | |
| بعد مانكدر نتحمل الم من كل مكان مجروحين ديروا بالكم علينه بس رغم كل هاي الجروح ماراح نهتم انشاء الله وهو معنا ولوا اقل من ربع الي مر علينه مر على جبال العالم كلها ماظن يبقى منها شيئ مو على بلد مثل العراق آلام الدنيا ومشاكل العالم مرت عليه وحلهه كل صار بالعراق شكرا" حبيبي على القصيده الرائعه
ســـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــعيد | |
| | | m.mohamed عضوفعال
عدد الرسائل : 162 العمر : 40 الموقع : sydney australia تاريخ التسجيل : 21/04/2009
| موضوع: رد: خجل حتى الوطن من شافنا بهل الحال منقولة الأربعاء 08 يوليو 2009, 4:27 pm | |
| | |
| | | hazeem allamey عضو جدبد
عدد الرسائل : 27 تاريخ التسجيل : 31/05/2009
| موضوع: رد: خجل حتى الوطن من شافنا بهل الحال منقولة الثلاثاء 14 يوليو 2009, 9:19 am | |
| عشت يا بطل والله شعرك حكم.رحمه الله والديك و من نشر , | |
| | | zojat salah عضو فضي
عدد الرسائل : 342 تاريخ التسجيل : 06/04/2009
| | | | younes alabodey عضومشارك
عدد الرسائل : 69 العمر : 63 الموقع : لندن تاريخ التسجيل : 09/07/2009
| موضوع: رد: خجل حتى الوطن من شافنا بهل الحال منقولة الأربعاء 15 يوليو 2009, 12:31 pm | |
| لقد لازمتني ? الحزينه منذو طفولتي ؛,,, هي خلاصة الحزن العراقي المعتق ؛ وانين شعب لم يعرف الفرح منذو زمن حمورابي حيث بداية الحضاره الانسانيه ؛ الم مستمر ؛ حزن وطن اسمه العراق , .......اويلي يابا.... اودعهم وانوح ودمعتي تجري ونا العبرات كلها مكسرا بصدري!!!! ;بس تعالو ------شيجيبكم ????اي والله ما اصدك حتى لو جيتو وكعدتو , بس تعالوا لو اجيتوا جغوفنة نحنيها وگلوبنا ماتنسة همكم هلبت اننسيها هلبت بختنة يجيبكم وانشم روايح طيبكم هلبت وماصگ حتى لو جيتوا اوگعدتوا عيوني احس بيهن غشة وماگولن انتوا لأن صرتوا مستحيل أنعل ابو الغربة ومآسيها!, السعووديه ,, المانيا دسلدورف,,sydney ,newzealand,paris,,end alah kaaa بس تعالـــوا؟ شيفيد الندم
عدل سابقا من قبل younes alabodey في الأربعاء 15 يوليو 2009, 1:08 pm عدل 1 مرات | |
| | | younes alabodey عضومشارك
عدد الرسائل : 69 العمر : 63 الموقع : لندن تاريخ التسجيل : 09/07/2009
| موضوع: رد: خجل حتى الوطن من شافنا بهل الحال منقولة الأربعاء 15 يوليو 2009, 12:46 pm | |
| مااظن يجيبه البخت,,,,,,,,,,,,,,,,,,,,نــــزلت دمعتي من سولفو بيك موتني غيابك وين الاكيك حـــتى الناس ملت من سؤالي على حالي بجت حتى الليالي ما اصدك تجي بس انا اتاني دمرني غيابك وين الاكيك نــــــــزلت دمعــــتي من سولفو بيك ..,,مامرتاح قلبي الليله أودعك حبيبي لخاطري ماشوف دمعك
أنا مسافر الليله لأن مابيدي حيله
زمن مو ضيعني ما أريده يضيعك ,,, ,مع تحيات .... الحزين يونس العبودي ,,,,,اوربا | |
| | | salah almaroob عضوفعال
عدد الرسائل : 142 العمر : 54 الموقع : australia--sydney تاريخ التسجيل : 01/04/2009
| موضوع: رد: خجل حتى الوطن من شافنا بهل الحال منقولة الجمعة 17 يوليو 2009, 3:17 pm | |
| ودت عينهه امك هاي الك وياي وكبل عيونهه الچرغد موديته تگلك هسه ترجع بعد مابياش خبطني افراگكم والدمع صفيته وظل مگوار ابوك بلايه زلمه شلون الك ضما گبل وبروحي ضميته وتگلك مهر ابوك يدگ حوافر غيض وانه بشيلتي من گطع شديته وعليه تراب ظل من ثورة العشرين افه وانت ابن ابوك شلون خليته ورسمت جرح نخله بطول گاع الموت ماكلهه الملح بس هيه حاميته على دربك تخط يوميه تعود طاويهه الدمع والدرب طاويته العراق بعازتك ينزف وماناسيك عجيبه شلون ينزف وحده خليته البيت الينهجم يعني اهله عنه بعيد درجع لاعراقك ينهجم بيته عجيبه شلون صابر عن حظن بغداد ذيچ المسح بيهه الورد ناصيته عجیبه شلون عديت الليالي السود لا. خط الحدود شلون عديته چنت فوگ السگف والعلم بيدك چان هديت العلم والسگف هديته شايف من تطيح بگاعك شمحلاك يتلگاك ابوك بطرف خاچيته ويزرعك بگاعه تخضر شچم شاب چاغير الوطن ترجعله عافيته دموعك صخر واحنه گلوبنه من تراب وگلب الوالده والوطن فتيته ماتقبل علمنه يشيله ياهو الچان حط ايدك بدي ونشيل ساريته ترى جندي الوطن بس حاني راسه الشوگ ماتقبل وطنه اطيح بيريته عليك الهجم خيبر من هجم عالجيش ترجع لاعراقك ينهجم بيته ترجع لاعراقك ينهجم بيته copy, | |
| | | salah almaroob عضوفعال
عدد الرسائل : 142 العمر : 54 الموقع : australia--sydney تاريخ التسجيل : 01/04/2009
| موضوع: رد: خجل حتى الوطن من شافنا بهل الحال منقولة الجمعة 17 يوليو 2009, 3:20 pm | |
| كلي تحلم ... كتله أي بويه العراق
أحلم أبدنيه جديده ...
تفيض بالحب بالتسامح .. نختصر بيهه الأماني
والمسافات البعيده..
ياعراق ... أحلم أبليلك نبات ...
وبلف ليله وليله ... ترجع (شهرزادك) .. تقره لعيونك قصيده
على شعبي .... الغرك بالدم
ومارضه الجف المذله أتلووح أيده ...!!
آنه أحلم نلتم ... ويلتم شملنه ... كلب واحد ... صوت واحد ... أيد وحده
نرسم الدنيه الجديده ... ياعراق
وراح أسولفلك بعد ... عن ... ألأريده ... وما أريده
آنه أريدن .... ليلك يلولي على أعيون اليتامه .. يكلهه نامي ..
وآنه أريدن ... مايك الطاهر يفيض .. ويغسل أكلوب الرفاكه ..
وعلـــــــه كل شفت حزن ... يطبع سلامي ...
وماأريدن ... دوله حره أفتقد بيهه أحترامي
وماأريدن ... شعب نص من عنده شرطي
ومنه نص ثاني حرامي
وماأريدن ... أي حكومة أتعامل أبناء الشعب مثل العبيد
وبالمقابل ... ماأريدن ... شعب ما يدري أشيريد ؟؟
شعب ويه الريح يفتر ... أيودي (لحسين) الرسايل !!
أومن يجيه (أحسين) ... يركع .. ينحني ... يبايع (يزيد)!!
وماأريدن ... أي سياسي .. أيبيع أرضه .. أوعرضه .. من أجل الكراسي
بس أريدن ... كون راسي أيشيل شعبي ..!!
أومن أحط شعبي أعله راسي .. يشيل راسي !!
وكون ألغيهه الكراسي .. ألجابت الشعبي المأسي
وخل نعيش بلا كراسي ...
أنه أريد ... أمن الجبل نبني العراق ..
ومن كصب (هور الجبايش) نصنع الكرسي الرئاسي
وماأريدن ... فوضوية ... ولاتقاليد .. ومزاعم عنصرية .. وطائفية
الوطن والدين واحد ... خدمته واجب عليك ... وبالمقابل خدمته واجب عليه
وما أريدن ... أي سياسي .. عاف هذا الوطن ينزف
ومن رجع يحجيلي عن الوطنية
وماأريدن ... بعد خوذه ... ولانطاق ... وزمزميه !!!
ولاتحيه لضابط بخصره (كلبجه)
من يمرني يشيل خشمه ... وآنه أرفعله أديه
بس أريد أمن الحكومة ... هاي إذا صارت حكومة وطنية ؟؟!
تكتب أبدستورهه .. هاي الوصيه
(أيها الشعب العراق ... أيها الأبن العراقي ...)
من تمر بأي رصيف ... وتلكه (أم) ... أمبصطه (أبجمبر جكاير)
تنحني وتاخذ تحيه ....
لآن هاي أكبر قضيه
وماأريدن ... أي سياسي أتصير مأساة الوطن عنده وظيفه
علفظائيات يطلع .. يحجي بسم الشعب .. وينظر أبكيفه
(يجب علشعب العراقي ... أن يقاوم ... أويجب علشعب العراقي .. أن يحاكم )
أوهوه كضه أسنين عمره كاعد أبنص بيت الابيض ... كاعد أبلندن يساوم
... أومادره شلون الشعب خلص حياته وماعرف بيش الشعب داوه نزيفه
بالحزن ... بالجوع ... بالموت الجماعي ...
بالعذاب المايشيله ألساني لو حاولت أضيفه
بالنظام ألا نظام ... ألماصرت مره حليفه
ألى كل واحد عراقي ... أمريكي صار أوهوه أبن هذا العراق ألباكو ... أمنعيونه طيفه
ألى كل واحد عراقي ... أمريكي صار
وهو أبن هذا العراق ألما يريد أبكاعه تنعاد السقيفه ..
نكله أوكف ... عمي أوكف .. بعد مانحترم سلطان وخليفه
وبعد مانرضه (الشمر) يحكم شعبنه ... أويحد بركاب الزلم يوميه سيفه
أوبعد مانرضه الغريب .... يزاحم أبن البلد علّكمه الشريفه
كافي بس أمن التزاحم ... والسياسات العنيفه
كافي بس أمن الحرب ... والله تعبنه ...
كافي خل نجمع شملنه
كافي خل نبني وطنه
كافي خنصدر نفطنه
أو... ورد نستورد بداله
ليش نستورد قذيفه
ليش نستورد قذيفه ....
أوهاي .... حريه سخيفه
منقوله .................وارجو ان نالت اعجابكم | |
| | | salah almaroob عضوفعال
عدد الرسائل : 142 العمر : 54 الموقع : australia--sydney تاريخ التسجيل : 01/04/2009
| موضوع: رد: خجل حتى الوطن من شافنا بهل الحال منقولة الجمعة 17 يوليو 2009, 3:23 pm | |
| مل مني القلم ومن القلم مليت عمت عينه قلمنه الما نفع شِعره تعب حته الشِعر ويه العراقيين وصار بحال اهلنه وبالعراق ادره رسمت حروف العراق برسم فنان وجمعت اربيل والانبار والبصره وگلت لازم حروفي توحد الخوّان ما معقوله هيچ تصير فد مره ورديت ولگيت دموع عالوجنات حروف الي رسمتهه اليوم متطشره كردستان تحچي بزودهه وتگول احنه العاصمه وبغــداد متأخره والانبار شالت سيف عالخوان لو ليه الحكم لوفلّش الاسره والبصره تگول احنه نريد اقليم ومن نفط العراق الكُم فقط عُشره وشفت للفتنه والله العراقيين دون حروف جر يا ناس منجرّه مذبوحه المحبه وناس تكره ناس سويه الي يحب والقابض الجمره حته الورد ما يرضه بعد بالماي من دمنه تريد الورده والشجره رقم جبنه قياسي بالقتل والموت وصرنه اول شعب نص اهله متهجره نهر دجله يـا ناس من الجثث غرگان خلي نمد ادينه لدجـــــــــله وانجرّه على جثثنه ادور هالفضـــــــــــائيات ياهو الي يصــــور ياخذ الاجــــــره معصوبه العـــــيون مچتفه الايدين وانواع الرصاص يچوب بـــــصدره لا اهله اجوي وچــــــــفّنوا بچـــفان مجــــهوله الـــهويه ومن درة بأمره اذا امّه الــــحنونه الصايمه برمضان ما اكــــلت اكلهه وبقت تـــــــنتضره تنــــــتضره يرد وتريد تحــجي وياه اثاري العيـــــــــد لازم ينگطع مهره لان باعت ذهبهه بشارع الصياغ حته تزوج ابنهه الما فرح عمره ما نامت بقت سهرانه كل اليل ايا ليل العراق الما بزغ فجره وما جاهه صبر طلعت تدور عليه مثل طلعة حمامه بعينهه العبره وما شافت ابنهه وجاهه ملك الموت تعرف شنهي يعني تموت بالحسره ؟؟ معناها الفرح صاير مثل رجال شايل ورده بيده وخنجر بضهره معناها عراقك كاتل ومكتول سوده گلوبهم وعقول مفتره وكل هذا ويگلي احنه العراقيين سنه وشيعه عشنه الحلوه والمره !! لا والله چذب احنه العراقيين سنه وشيعه مثل الضره عالضره ملينه الچذب وليمته وليا دوب واقع حال لازم نخضع لامره ملينه الچذب وليمته وليا دوب قصايدنه اجت للناس متأخره نعم خوان احنـــــــــــــــــــــه نعم خوّان احنه وياك آني بهاي بس مو من بعد تفجير سامرّه بعد تفجير سامرّه العراقيين مثل فلم الرعب ودمايته الحمره مو فتنه صحيح الصايره ابّغداد سونامي الفتن بغداد منتشره قتل مو عالهويه هواي متوهمين صارت عالاسم گص راسه ويشمره واليگلي تبالغ انته حيل بهاي جبت حجه ودليل وياي هالمرّه اتحده بكر واتحده ابو الخطاب افن واحد البيهُم يوصل الثوره واتحده على واتحده هم حسين اذا فلوجه طبهه ومنكسر ضهره صـــــــــفر كل النتايج للعراقيين بس بالفتنه جابوا عشره من عشره هذا يگول سني ناصبي اغتالوه وهذا يگول شيعي رافضي نكفره ضلّوا بهالسوالف يا خزي ويا عار واسرائيل علگت نارهه الــــــكبره يول وين الــــــــشرف گدامكم بغداد شــــــگّوا ثوبهه واخذوهه متأسره غتصبوهه الكُفر ... ما تسمعوهه تصيح آنه ام الــــــــــــشرف واليوم مو عذره بعد والله ما يــــــــــــــنفعنه قيل وقال لات كـــلشي انتهه وانكــــسرت الجرّه مرحوم الـــــــعراق استشهد من سنين يا وسفه صفـــت أشلائه مـــــتنثره متنـــثره بمزابل يمـــهه كوم چلاب اكلت من لــــــحومه وما درت سرّه صــــير وياي بس هالمره اترجاك عيب من الــــــــــــعراق اليوم نتبرّه صعبه بمزبله جثة الــــــــعراق تصير خلي نشــــــــــيله منهه وندفنه بگبره , -----@ | |
| | | salah almaroob عضوفعال
عدد الرسائل : 142 العمر : 54 الموقع : australia--sydney تاريخ التسجيل : 01/04/2009
| موضوع: رد: خجل حتى الوطن من شافنا بهل الحال منقولة الجمعة 17 يوليو 2009, 3:28 pm | |
| بعد ما ريد فيزه ولا لجوء انـسان ............ .. عمت عين الاقامه الدنست صـيتي واشكر كل صديق وكل خوي وكل جار ............ .. قـفل بابه ورفض يـقبل عراقيتي خلف الله عليكم والوكـت دولاب ............ .. لا بد يوم يـنزل بيكم ارضيتي لان اول امس كل البشر خـدام ............ .. جانوا للـعراق واكلـوا ابيتـي جان الضيف عندي مكرم ومهـيوب ............ .. فوگ الراس اشـيله وهاي تربيتي ما داعي اسولف وانه ابو النـهرين ............ .. ياهو الـما سمع اخـبار حنيتي بعد بصـمات اديهم والطبع موجود ............ .. من جانوا جياع بوسط صيـنيتي يـا دنـيه حرام ومـنكر ومـكروه ............ .. اذا ابـن الـعراق الـيوم وطيتي معـقوله نسيتي اسم الـعراق بساع ............ .. لـو مثل الـبشر همّن تـناسيتي مـيفيد الحچي ولا تـنفع الـچـلـمات ............ .. راجع يا وطن لترابـك الزيـتي راجـع يـا حـبـيبة گـلبي يـا بغداد ............ .. وادرى بكـثر ما ونـيت ونيـتي وادري لوحّدج عفناج صار سنين ............ .. وادرى من الحزن تابوت سويتي جيب الاغتراب وحـطه بالـتابوت ............ .. يا غربه الـعراق شكثر اذيتي ما اعيـش ابّحر مالح طـعم يا ناس ............ .. انه بسجن الـفرات وفقط حريتي وترابي ذهـب والگاع من ياقـوت ............ .. ومن ثوب الكرامه البسهه بيريتي واذا گالوا لترجع والوضع مو زين ............ .. اگول اني الوضع والزين تاليـتي وميهمني بعد ليصير خلي يصير ............ .. طعم الموت اشرف من هجر بيتي أموت بوسط خوتي ويا حلاة الموت ............ .. من اجمع اهلـنه واكتب وصيتي وصيتي لو متت لتچفنوني چفان ............ .. لفوني بعلمنه وهاي امـنيتي واذا تردون اليه بهالگبر ارتاح ............ .. امانة الله دفنوا وياي جنسيتي salah almaroob,copy ALLAH KAREE''''''''''''''''''''''''''''''''''''''M | |
| | | سعيد العراقي نائب المدير
عدد الرسائل : 740 العمر : 48 الموقع : بلد الطيبين والاوÙياء (الـــــعراق)Ù… تاريخ التسجيل : 24/03/2009
| موضوع: رد: خجل حتى الوطن من شافنا بهل الحال منقولة الجمعة 17 يوليو 2009, 4:07 pm | |
| بعد ما ريد فيزه ولا لجوء انـسان ............ .. عمت عين الاقامه الدنست صـيتي واشكر كل صديق وكل خوي وكل جار ............ .. قـفل بابه ورفض يـقبل عراقيتي خلف الله عليكم والوكـت دولاب ............ .. لا بد يوم يـنزل بيكم ارضيتي ماعاش اليقفل الباب بوجه العراقي وين ماكان واذا على جيرانه هذا طبعهم موغريب بس يعثر العراقي كلهم يصحيون الله وكع موكلنا على كيفكم لاتعثرون بس العراقي يبقى عراقي ورفعت راس انشاء االله ويندم كل التجاوز على العراق ولابد يوم وتجي ساعة الحساب وتذكر اخوي العزيز اذا باقين بالحياه وتبقون انتم فخر العراق والدليل هذا الحنين لوطنكم وانتم بأرض الغربه شكرا" على القصيده الرائعه ســـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــعيد | |
| | | salah_sydney عضوفعال
عدد الرسائل : 189 العمر : 54 تاريخ التسجيل : 19/04/2009
| موضوع: رد: خجل حتى الوطن من شافنا بهل الحال منقولة الجمعة 17 يوليو 2009, 4:37 pm | |
| , ,
شكرا حبيبي نائب المدير على الرد الجميل,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, إنشالله يجي هذا اليوم بحياتنا و ندوس على شواربهم بالقندرة,,,, بس المشكلة قلوبنا طيبة و نسامح و ننسى هذه هي خصلة العراقي | |
| | | zaynab saleh عضو مميز
عدد الرسائل : 234 العمر : 39 الموقع : QUEENSLAND تاريخ التسجيل : 15/05/2009
| موضوع: رد: خجل حتى الوطن من شافنا بهل الحال منقولة السبت 18 يوليو 2009, 5:29 am | |
| الله اكبرررررررر مهما طال الظلام فلا بد للنور ان يظهر اللهم عجل بنصر دينك , | |
| | | zaynab saleh عضو مميز
عدد الرسائل : 234 العمر : 39 الموقع : QUEENSLAND تاريخ التسجيل : 15/05/2009
| موضوع: رد: خجل حتى الوطن من شافنا بهل الحال منقولة السبت 18 يوليو 2009, 5:32 am | |
| الله اكبرررررررر مهما طال الظلام فلا بد للنور ان يظهر اللهم عجل بنصر دينك . | |
| | | ali alsaedy عضومشارك
عدد الرسائل : 74 تاريخ التسجيل : 25/04/2009
| موضوع: رد: خجل حتى الوطن من شافنا بهل الحال منقولة الأحد 19 يوليو 2009, 8:29 am | |
| | |
| | | yuosef nabel عضومشارك
عدد الرسائل : 80 العمر : 54 الموقع : a c t -aus تاريخ التسجيل : 12/04/2009
| موضوع: رد: خجل حتى الوطن من شافنا بهل الحال منقولة الأحد 19 يوليو 2009, 1:15 pm | |
| تحيه اجلال واكبار الى كل العراقيين الشرفاء اينما كانوا من اخوكم وفعلا ان العراق هي بلد الاسود والمناضبين والاشراف فهي بلد العلم والعلماء ----ندعو من الله ان الجرح يندمل وسلام الله عليكم | |
| | | younes alabodey عضومشارك
عدد الرسائل : 69 العمر : 63 الموقع : لندن تاريخ التسجيل : 09/07/2009
| موضوع: رد: خجل حتى الوطن من شافنا بهل الحال منقولة الإثنين 20 يوليو 2009, 8:48 am | |
| انا اسامح المرة الاولى الثانية الثالثة بعدها اعرف ان هدا الشخص هكدا بعدها ما اتعامل مع هدا الشخص كما الاول على حسب اسائته لي او لا اتعامل معه كانه غير موجود اساسا, الله يجازيك ألف خيــــــــــــر عراقي اصيل ,------ , , شكرا حبيبي نائب المدير على الرد الجميل,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, إنشالله يجي هذا اليوم بحياتنا و ندوس على شواربهم بالقندرة,,,, بس المشكلة قلوبنا طيبة و نسامح و ننسى هذه هي خصلة العراقي, | |
| | | ismiel yousef عضومشارك
عدد الرسائل : 40 العمر : 56 الموقع : A.c.t .aus تاريخ التسجيل : 19/04/2009
| موضوع: رد: خجل حتى الوطن من شافنا بهل الحال منقولة الإثنين 20 يوليو 2009, 4:04 pm | |
| | |
| | | aboo mohaned عضومشارك
عدد الرسائل : 34 تاريخ التسجيل : 28/05/2009
| موضوع: رد: خجل حتى الوطن من شافنا بهل الحال منقولة الثلاثاء 21 يوليو 2009, 3:15 pm | |
| كضينه العمر غربه بغربه 20 سنه والعمر 43 شكرا ,,,,,,,,,,,,, ورحمه الله والديك ,يلعن الغربه وسنينها عمر والشيب على بابه مين اجيب عمر .. الله كريم تقضي | |
| | | | خجل حتى الوطن من شافنا بهل الحال منقولة | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|